अझै... कविता

आकाश त रोइरहेकै छ,

धर्तीको प्यास त अझै उस्तै नै छ ।

चन्द्रमा त उदाई रहेकै छ,

धर्ती त अझै अन्ध्यारो नै छ ।

दिन रात परिश्रम त गरेकै छ,

आङ्ग ढाक्ने कपडा प्वाल त अझै परेकै छ ।

लाखौ खर्चेर डिग्री त पास गरेकै छ,

सर्टिफिकेट लिएर त अझै बरालि रहेकै छ ।

चुलोमा आगो त बलेकै छ,

सडकमा भोको पेट त अझै सुति रहेकै छ ।

गगन चुम्बी घर त ठहरिएकै छ,

सडकको पेटिमा रात त अझै गुजारी रहेकै छ ।

–सुबि

२०६८÷९÷२५ गते

प्रकाशित मिति २०६८ पौष २६ गते

यहाँहरु संग पनि यस्तै सिर्जना भएमा आफ्ना सिर्जनाहरु हामीलाई पठाउन नभुल्नु होला (newsoftokha@gmail.com) ।