भाद्र २१ गते टोखा निर्माण मजदुर संघ पन्ध्रौ वार्षिक उत्सव मनाउँदै

(News of Tokha)- "कृषि, पर्यटन निर्माण टोखाको आर्थिक मेरुडन्ड" भन्ने मूल नाराका साथ यही भाद्र २१ गते टोखा निर्माण मजदुर संघले आफ्नो स्थापनाको पन्ध्रौ वार्षिक उत्सव मनाउँदै छ । उक्त संघको वार्षिक उत्सवको अवसरमा "प्राचीन नगर तथा काठमाडौँ उपत्यकाको उत्तरी प्रवेशद्धार-टोखा" नामक पुस्तक विमोचन गर्नुका साथै भुकम्प प्रतिरोधी भवन निर्माण सम्बन्धि जागरण कार्यक्रम समेत गर्ने भएको छ ।

उक्त कार्यक्रममा विविध ब्यक्तित्वहरुलाई सम्मान गरिने समेत आयोजकले बताए । कार्यक्रममा प्रमुख अतिथि संस्कृति, पर्यटन तथा नागरिक उड्डयन मन्त्री भीम आचार्य रहने छ, भने कार्यक्रम टोखा सरस्वती गाविस भवनमा विहान १० बजेदेखि शुरु हुनेछ ।

प्रकाशित मिति भाद्र १९ गते