भोलि टोखामा बृहत निःशुल्क स्वास्थ्य शिविर हुँदै

आश्विन ११ शुक्रबार-भोलि टोखामा दुई वटा बृहत निःशुल्क स्वास्थ्य शिविर सञ्चालन हुने भएको छ । ग्रिन सिटि अस्पताल र टोखा भगवती क्लबको संयुत्त आयोजनामा बृहत निःशुल्क शास्थ्य शिविर तथा ‌औषधि वितरण कार्यक्रम टोखा चण्डेश्वरी स्वास्थ्य चौकिमा हुदैछ ।

यस शिविरमा हाड जोर्नी तथा नसा सम्बन्धी, नाक कान घांटी बाल रोग, मधुमेह परिक्षण, छाला तथा यौन रोग ,दन्त रोग, दम रुघा खोकी ज्वरो ,हाडजार्नी तथा नसा सम्बन्धी र जनरल सर्जरीका साथै पेटका विरामीहरुको लागि भिडियो एस रे को समेत सेवाहरु उपलब्ध हुनेछ । साथै यस शिविरमा निःशुल्क औषधि पनि वितरण गरिने क्लबका अध्यक्ष रमेश नापितले जानकारी दिनु भयो । शिविर विहान १० बजे देखि ४ बजे सम्म चल्ने छ ।

त्यस्तै भिन्न रुपले सक्षम मानव स्याहार केन्द्र टोखाले पनि भोलि नै निःशुल्क आँखा शिविर कार्यक्रमको आयोजना गरिने भएको छ । सो शिविर केन्द्रको कार्यालय गणेशथानको पछाडी देर्चामा हुनेछ । शिविर विहान १० बजे देखि सुरु हुनेछ ।

आफ्ना परिवार तथा विरामीहरुलाई उक्त निःशुल्क शिविरको बारेमा जानकारी गराईनुका साथै उपस्थित गराई मौकाको फाईदा उठाउँन पनि आयोजकहरुले अनुरोध गरेको छ ।