देखिन थाल्यो जात्राको चहल पहल

नयाँ वर्ष नजिकिदै छ साथमा टोखाको ऐतिहासिक बिस्केट जात्रा पनि । आजबाट टोखामा रहेका विभिन्न मठ मन्दिरहरुमा रंग रोगन गर्ने कार्य थालि रहेको छ ।  विशेष गरी टोलटोल र मेन सडकमा सरसफाई गर्ने र हिलामे  बाटोहरुलाई व्यवस्थित गर्नु अतिनै जरुरी भैरहेको छ । करिव एक हप्तामात्र बाँकी छ जात्रा नजिकिनु । यस कुरालाई हिदयंगम गर्दै सम्पुर्ण टोखा बासिहरु यस कार्यमा लाग्नु जरुरी छ ।

यसै गरी आज दिउसो ४ बजे गा.वि.स टोखा चण्डेश्वरीमा जात्रा ब्यवस्थापन विषयक बृहत चण्डेश्वरी र सरस्वतीको संयुक्त बैठक बस्दै छ । जात्राका लागि आवश्यक सरसफाई, स्वास्थ्य, विजुली, संचार, सुरक्षाका विविध विषयमा छलफल गरिने भएको छ ।

प्रकाशित मितिः चैत्र २५ शनिवार