फाल्गुण २१ शनिवार
भिखारी
भिखारी
सडक गल्ली घुम्दै,
एउटा जीवन रोइरहेको,
हेर त्यो घाउ बोकी,
जीउँदै यहाँ मरिरहेको ।
बहिरा अन्धाकै संसार,
के सुन्ला ? देख्ला के ?
भोकको एक बच्चा ली,
पाल्न यत्रतत्र चरिरहेको ।
अर्धचेतन त्यो अंगार,
उसको छैन घरबार !
अञ्जुली थापी यहाँ वाहाँ
एउटा श्वास पालिरहेको ।
सुन्दर सपना विपना,
म¥यो उसको त्यो मनमा ।
लिई आशा बाँच्ने एउटा
घामपानीमा भौटारिरहेको ।
छन् दयालु तर छन् कम
जगतमा दया निकोतन !
स्वार्थकै दलदली बिच,
हेरे ऊ यसरी फसिरहेको !
पूज्छन् मानिस ढुङ्गाको द्योता
सजीव देख्दैन यहाँ मरेको ।
के देख्छ ? ढुङ्गाकै मुट देख्तैन,
दुःखको जेहेरले छतपटिरहेको ।
— रविन्द्र डंगोल
खोकना