भाद्र २८ बिहिवार, नेपालीहरुको महानपर्व हरीतालिका तिजको अवसर पारेर प्रथम अन्तराष्ट्रिय धावक गजराज जोशीको स्मृतीमा स्थापना भएको गजराज जोशी ट्रष्टले टोखाका राष्ट्रिय महिला खेलाडीहरुलाई तिज विशेष उपाहार प्रदान गरेको छ । भेट्रान धावक तथा नेपाल फुटभली संघका अध्यक्ष मनिष जोशीद्धारा खेलाडीहरुलाई उपहार प्रदान गरिएको थियो । राजधानीको महारजगंज मा जोशीले सञ्चालन गरेका स्पोर्ट वेयर सप खुसीको कार्यालयमा खेलाडीहरुलाई उपहार प्रदान गरिएको थियो ।
प्रजातन्त्र प्राप्तीको लागि संघर्ष समेत गरेका धावक गजराज जोशीले टोखालाई विश्वसामु चिनाउन गरेको प्रयत्न आफैमा प्रसंशा योग्य रहेको टोखाका नागरीकहरु बताउछन । गजराज जोशीले स्थापना गरेका विद्यालयहरु, किसानका लागि मोहियानी हकका सन्र्दभमा चालेका कदमहरु, धार्मिक मठ,मन्दिर निर्माण लगायतको समाजिक कार्यहरुमा रहेको उनको योगादन स्मरणीय रहेको छ ।
Post a Comment